Fyrsta einkasýningin verður á Sólon laugard. 2.júlí - 30. júlí

Fre
Originally uploaded by Pensillinn.

Tíminn er upprunninn, fyrsta einkasýningin mín verður á laugardaginn...eftir 2 daga á Sólon downtown Reykjavík.
Opnunin verður frá 5-7 og hvet ég alla sem geta, að mæta og sjá það nýjasta nýtt í málverkinu hjá mér. Ég stefni að því að halda smá boð-teiti eftir opnunina eða bara reyna að fá fólk til að hittast á einhverjum stað, kemur allt í ljós. Ótrúlegt en satt þá er bara allt reddí fyrir sýninguna og ég get sem betur fer slappað af og notið þess í botn að hlusta á mínúturnar líða.
Ég var að hugsa um að fara útí hvernig ég var hérna fyrir mánuði..óþekkjanleg í útliti af stressi og ákafa. Ég held að sumir hefði bara ekki þekkt mig í sjón he he.

Don´t mess with Bubba

Svona áður en ég læt gusuna koma um mitt eigið líf, þá las ég hjá vinkonu minni Árdízi, um commentið hennar á grein Hér og nú um Brynju spólgröðu og hennar mikla X. Headlinið í Hér & Nú fór nú strax mjög í taugarnar á mér, fannst þetta algjör óþarfi að hafa hana svona rosalega ómerkilega og ódýra. Fyrir utan það þá virkaði hún öfugt á mann í sambandi við að freistast til að kaupa blaðið, þá tók ég stóran sveig framhjá því. Bubbi er líka þannig maður, þú messar ekkert í Bubba.
Ég sá einmitt viðtalið við hann og fannst hvert einasta orð sem hann sagði vera 100% og algjörlega hitta í mark, bara gat ekki verið meira sammála honum en annað er kannski með sannleikann þeirra á milli sem mér er í raun slétt sama um.
Það er bara það að fólk geti gert svona, komið fram og sagt, "heyrðu, reyndu ekki einu sinni að þykjast vita eitthvað um mig", og láta þessar alætur éta allt ofaní sig aftur! Fólk er oft svo furðulegt, hreinlega nærist á óförum annarra.

Sumarið dregur það besta fram í okkur

MMMM, yndislegt veður núna. Ég gæti staðið á svölunum bara og þóttst vera að skoða fuglana eða eitthvað bara til að vera úti í góða veðrinu. Ég er líka með genið frá pabba mínum sem láta mig fara í alsælu þegar ég finn útilykt og Bjarka finnst það ansi yfirþyrmandi að sjá mig stynja hástöfum yfir lyktinni af þvottinum og fötum sem hafa verið úti. Rúmfötin eru einmitt eitt svona atriði, ég ræðst á sængina mína og koddann, byllti mér og drekki mér í þeim eins og maður sé að berjast við einhvern uppí rúmi! Gaman fyrir Bjarka að ganga inn á svona uppákomur. Á sumrin breytist maður líka í manneskju sem heldur að hún sé heimsveldi og heimurinn sé fransbrauð sem hægt sé að hakka í sig óstöðvandi, svo er það korkí-brosið, alltaf eitthvað að
brosa útí bláinn eða að maður er svo svalur að það hlýtur að vera skelfilegt fyrir fólk að sjá mann. Keyrandi í bílnum með "útvarpið" í botni, flugstjóragleraugun og Billy Idol vörina uppí loft...Oh my god, eins og Nói Páll segir stundum.