20. maí

Þá er showið hafið. Ég er í skýjunum með Bjarka þessa dagana. Hann er nú alltaf ótrúlegur en hann hefur reynst mér svo svakalega vel í öllu þessu stressi og stússi. Hann kemur mér sífellt á óvart. Hann kom með mér í gærkvöldi að hengja upp og við unnum frábærlega saman. Hann tók að sér að hanna boðskort fyrir vinnuna mína og allir urðu rosa hrifnir. Við erum bara gott teimi í svona hlutum. Hann hengdi meira að segja upp fyrir mig sýningu um daginn á Sólon, hafði aldrei gert þetta áður og varð fljótari en ég að því..og mjög vel gert líka..fékk mig aðeins til að hugsa minn gang..hehe. Mætingin á opnunina mína var í lakara lagi, var að vísu búin að heyra frá mörgum sem kæmust ekki vegna Júrovision og svo var mikið um veislur og þ.h. Vinnufélagarnir fá þó hrós, er bara ánægð með mætinguna hjá þeim. Ég hafði engan áhuga á þessari Júróvisíonkeppni þar sem við vorum ekki með. Þetta var alveg eins og í fyrra, maður fór í júrovísíon partý en var hálf glötuð stemmning þar sem við vorum ekki með og þá hafði maður engan áhuga á keppninni. Úrslitin komu klikkað á óvart í ár...Finnar vinna með þungarokkslagi!!! Þeir vinna ekki með naumindum heldur unnu frá upphafi keppninnar með miklum yfirburðum..hvað er að gerast? Rosalega góður endir á rosalega leiðilegri keppni.